Ўзбекистонда масжидларда намоз ўқишга рухсат берилди
Барча мўмин-мусулмонларни хушнуд этувчи янгилик: Ўзбекистонда масжидларда намоз ўқишга рухсат берилди.
Коронавирус пандемиясига қарши кураш бўйича Республика махсус Комиссиясининг қарори билан,
2020 йил 5 июндан эътиборан “яшил” ҳудудларда диний ташкилотлар фаолиятига рухсат берилди.
Бунда диний ташкилотлар биноларининг доимий равишда дезинфекция қилиниши, уларга кириш-чиқиш жойларини пирометрлар, антисептик воситалар ва дезинфекцион “тўшак”лар билан жиҳозлаш,
ходимларнинг тиббий ниқоб ва тиббий қўлқоплардан фойдаланиши, ижтимоий масофани сақлаши, шу жумладан намоз вақтида фуқароларнинг оралиқ масофасини 1,5 метр этиб белгилаш (махсус чизиқлар ёрдамида катакларга ажратган ҳолда),
шунингдек, ҳар бир фуқаронинг тана ҳароратини ўлчаб, 37°С ва ундан юқори бўлган, инфекция аломатлари мавжуд бўлган ҳолатда ҳамда тиббий ниқобда бўлмаган ҳолларда киритмаслик чораларини кўриш, жамоавий диний маросимлар (жума намози ва бошқалар)ни ўтказмаслик талаб этилади.
© namangan24.uz
.jpg)
