Ўзбекистон миллий терма жамоаси сардори, Хитойнинг “Тянжин Теда” клуби аъзоси Одил Аҳмедов, “Навбаҳор” жамоаси сардори Азимжон Аҳмедов, таниқли актёр, халқ депутатлари Наманган шаҳар Кенгаши депутати, “Миллий тикланиш” демократик партияси фаоли Ёқубжон Аҳмедов, тадбиркор Комилжон Аҳмедовларнинг отаси – меҳнат фахрийси Олимжон Аҳмедов бугун – 2020 йил 31 октябрь, шанба куни 65 ёшида вафот этди.

Олимжон ака узоқ йиллар мобайнида “Наманган автотеххизмат” корхонасида самарали меҳнат қилди. Шу ташкилот тизимидан пенсияга чиққан. Турмуш ўртоғи билан тўрт ўғил, бир қизни тарбиялаб, эл-юрт хизматига камарбаста фарзандлар этиб вояга етказган эди.

Аҳмедовлар оиласининг бошлиғи Олимжон аканинг жанозаси бугун асрдан кейин Наманган туманидаги хонадонида ўқилди.

“Namangan24.uz” ахборот-таҳлилий портали жамоаси марҳумнинг вафоти муносабати билан оила аъзолари ва яқинларига чуқур ҳамдардлик билдиради. Аллоҳ ўтганларимизни раҳмат қилсин. Инна лиллаҳи ва инна илайҳи рожиъун.

© namangan24.uz

--> -->