Наманган шаҳар Давлат хизматлари маркази томонидан Швейцариянинг “Kapri Holding & Consulting AG” корпорацияси ҳамда Наманган туманидаги “Golden Egg Of Namangan” масъулияти чекланган жамияти ҳамкорлигида паррандачиликка ихтисослашган “Express Chicken” масъулияти чекланган жамияти шаклидаги қўшма корхона рўйхатдан ўтказилди.

Бу ҳақида “Namangan24.uz” сайтига Давлат хизматлари агентлиги Наманган вилояти бошқармаси ахборот хизмати хабар берди.

Наманганда паррандачиликни ривожлантириш мақсадида ҳаётга татбиқ қилинаётган ушбу лойиҳага кўра, йирик корхонанинг устав фонди 425 миллиард сўмни ташкил этади.

Қайд этиш жоиз, мазкур келишув Ўзбекистон Республикасининг Саудия Арабистонидаги элчихонаси саъй-ҳаракатлари билан амалга оширилди.

Қўшма корхонани барпо этишдан кўзланган асосий мақсад аҳолини иш билан таъминлаш, ички бозорга паррандачилик маҳсулотлари етказиб бериш ва келажакда экспорт қилишдан иборат.

© namangan24.uz

--> -->