USNews Logo

Ўзбекистон Ёзувчилар уюшмаси аъзоси, наманганлик шоир Носиржон Жўраев Фейсбукдаги шахсий саҳифасида интернет сайтларидан бирида эълон қилинган “Бир гуруҳ ўзбек зиёлилари рус тилига расмий мақом беришни таклиф қилдилар” номли материалга жиддий муносабат билдирди.

ХХ АСР. ШАВКАТ РАҲМОН

Худонинг кўзида турибди ҳар иш –

Мумкинмас бир он ҳам риёга чалғиш.

“Онажон Ватан!” деб, Ватандан олқиш

Кутиб ўсганлардан шоир чиқмагай.

Гарчи Навоийни чандон ўқиган...

Талтайиб суянар Ернинг ўқига.

“Онажон халқим!” деб, халқнинг юкига

Елка қисганлардан шоир чиқмагай.

Туркий ҳусну кўрки тилим-тилимдир –

Қамиш шимган каби тилим тилинди.

“Онажон тилим!” деб, она тилимни

Атай кесганлардан шоир чиқмагай.

Акалар! Укалар! Мен-ку энди йўқ.

Аммо бу Ватан ва халқнинг тенги йўқ!

Айтиши керак-ку кимдир – менми-йўқ...

Ғафлат босганлардан шоир чиқмагай.

Носиржон Жўраев,

Ўзбекистон ёзувчилар уюшмаси аъзоси,

“Шуҳрат” медали соҳиби.

© namangan24.uz