Бугун – 2020 йил 3 июнь куни Наманган вилоятида коронавирус инфекциясига чалинган  тўрт нафар бемор соғайиб, реабилитацияга кузатилди. Бу ҳақида “Namangan24.uz” сайтига вилоят соғлиқни сақлаш бошқармасидаги манба маълум қилди.

Тузалганларнинг уч нафари Наманган шаҳридан (икки нафар аёл ва 13 ёшли ўғил бола), бир нафари Норин туманидан (31 ёшли эркак).

Қайд этиш даркор, Наманган шаҳрида коронавирус билан касалланганларнинг барчаси соғайди. Беморларнинг жами сони 155 киши бўлиб, улардан тўрт нафари вафот этган. Наманган бу кўрсаткич бўйича мамлакатда Тошкент шаҳридан (етти киши) кейинги иккинчи ўринда турибди. Ўзбекистонда ушбу хасталикка чалинган илк бемор билан боғлиқ ўлим ҳолати ҳам гуллар шаҳрида рўй берганди.

Маълумот ўрнида, Наманган вилоятида коронавирусга чалинган 260 кишидан 251 нафари тожли вирусдан буткул тузалди. Бошқача айтганда, даволаниш кўрсаткичи 97 фоизни ташкил этмоқда. Ҳозирда вилоят юқумли касалликлари шифохонасида беш нафар бемор даволанмоқда. Карантин муассасаларида 610 киши, уй карантинида эса 2912 киши сақланмоқда.

© namangan24.uz

--> -->