Айни кунларда Японияда давом этаётган XXXII ёзги Олимпия ўйинлари қизғин ва ҳал қилувчи палласига кирди.

Олимпия ўйинларида каноэда эшкак эшиш бўйича яккалик баҳсларида фаол иштирок этган Наманган вилояти вакиллари Нилуфар Зокирова ва Дилноза Раҳматова “Токио-2020”нинг 6 август кунги дастуридан ўрин олган ўйинларда жуфтлик тандемини ҳосил қилиб, ўз имкониятларини синовдан ўтказдилар.

Ҳамюртларимиз аёллар ўртасидаги жуфтлик беллашувларида 500 метрга эшкак эшишди. Дастабки уриниш муваффақиятли чиқиб, улар 7 та жамоа ичида тўртинчи бўлиб, маррага етиб келишди. Чорак финалда Зокирова-Раҳматова жуфтлиги ўз гуруҳларида иккинчи натижани қайд этган ҳолда ярим финалга йўлланма олишди. Бу спортчиларимизга Олимпия ўйинларида медаллар учун курашиш имконини берди. Жуфтлик баҳсларининг ярим финал ва финал ўйинлари эртага бўлиб ўтади.

Терма жамоамиз аъзоларига муҳим бўлган ўйинларда омад кулиб боқишини тилаймиз!

© namangan24.uz

--> -->