USNews Logo

Ўз фаолиятини профессионал боксда давом эттираётган халқаро тоифадаги спортчимиз Муроджон Аҳмадалиевнинг навбатдаги жанги санаси ўзгартирилди.

Айни вақтда “WBA” рейтингида пешқадамлик қилаётган, “профи-бокс”да ҳозиргача мағлубиятсиз одимлаб бораётган чустлик чарм қўлқоп устаси 19 апрель куни (Тошкент вақти билан 20 апрель тонгида) АҚШнинг Лос-Анжелес шаҳридаги “Forum” аренасида мексикалик Карлос Карлсонга қарши рингга кўтарилиши лозим эди. Аммо ушбу жанг 26 апрелга (бу вақтда бизда 27 апрель саҳар бўлади) белгиланди.

“- Спортда ҳар қандай кутилмаган ҳолатлар бўлиб туради. Шундай вазият менинг жангим санасида ҳам юз берди. Энди аввал белгиланган кундан бир ҳафта ўтиб рингга чиқаман. Лекин рақиб ўзгаргани йўқ. Кутилмаган ва менга боғлиқ бўлмаган ўзгаришлар учун барчадан узр сўрайман”, - дея ижтимоий тармоқдаги саҳифасида фикр қолдиган чустлик “Кака”.

Маълумот ўрнида, Муроджон билан тўқнашадиган бокчи анойилардан эмас, у жиддий рақиб. 28 ёшли Карлсон ҳозирга қадар 28 та жанг ўтказиб, шундан 23 тасида ғалаба қозонган. 14 та беллашувда рақибларини нокаутга учратган. Бешта баҳсда эса имкониятни бой берган. Ҳамюртимизга жанг олдидан руҳий устунлик берадиган жиҳати шундаки, шимолий америкалик спортчи сўнгги бешта жангидан тўрттасида мағлубият аламини тотишга мажбур бўлган.

© namangan24.uz