Наманган вилояти ҳокими вазифасини бажарувчи Шавкат Абдураззоқовнинг 2020 йил 29 октябрдаги қарори билан Жаҳонгир Қаюмов вилоят ҳокимлигининг Ишлар бошқарувчиси этиб тайинланди.

Вилоят ҳокимлиги ахборот хизматининг хабар беришича, Жаҳонгир Қаюмов 1980 йилда Наманган шаҳрида туғилган. Маълумоти олий, 2001 йили Тошкент молия институти, 2015 йили Плеханов номидаги Россия иқтисодиёт университетининг Тошкент филиалини тамомлаган.

Меҳнат фаолиятини 2001 йилда “Кока Кола Ўзбекистон” қўшма корхонаси мутахассислигидан бошлаган. 2002-2020 йиллар давомида у мазкур корхона савдо вакили, бош директор таржимони, Қўқон шаҳри филиали менеджери, Андижон филиали менеджери, хусусий тадбиркор, “Люкс Плюс Стар” МЧЖ савдо ва маркетинг бўлими менеджери, “GM Uzbekistan” АЖ ички савдо дирекцияси агенти, менеджери, бош менеджери, “GM Uzbekistan” АЖ газ ёқилғиси, маркетинг, мониторинг ва ривожланиш бошқармаси етакчи мутахассиси, хусусий тадбиркор, Ўзбекистон Республикаси Экология ва атроф-муҳитни муҳофаза қилиш давлат қўмитасининг халқаро ҳамкорлик ва лойиҳалар бўлими бош мутахассиси вазифаларида фаолият юритган.

Жаҳонгир Қаюмов 2020 йил март ойидан ҳозирга қадар Ўзбекистон Республикаси Экология ва атроф-муҳитни муҳофаза қилиш давлат қўмитасининг Ишлар бошқармаси бошлиғи лавозимида ишлаб келаётганди.

© namangan24.uz

--> -->